ಅವನೊಬ್ಬ ಆಗರ್ಭ ಶ್ರೀಮಂತ. ಎಣಿಸಲಾರದಷ್ಟು ಆಸ್ತಿ ಅಂತಸ್ತು, ಎಷ್ಟು ಕೊಟ್ಟರೂ ಮುಗಿಯದಷ್ಟು ಸಂಪತ್ತು. ನಗರದ ಎಷ್ಟೋ ಬ್ಯುಸಿನೆಸ್ಮೆನ್ಗಳಿಗೆ ಈತನೇ ಗಾಡ್-ಫಾದರ್. ಅದೆಷ್ಟೋ ಶಾಲೆ, ಕಾಲೇಜು, ಆಸ್ಪತ್ರೆಗಳಿಗೆ ಕೊಡುಗೈದಾನಿ. ನಿಯತಕಾಲಿಕವೊಂದರಲ್ಲಿ ತನ್ನನ್ನು ದಾನಶೂರ ಕರ್ಣನೆಂದು ಬಿಂಬಿಸಿದ ಅಂಕಣವೊಂದನ್ನು ಮಂದಸ್ಮಿತನಾಗಿ ಹೆಮ್ಮೆಯಿಂದ ಓದುತ್ತಿದ್ದಾಗಲೇ ಕರೆಗಂಟೆಯ ಸದ್ದಾಯಿತು. ಯಾರೆಂದು ನೋಡಿದರೆ ಹಸಿದು ಬೆಂಡಾದ ಹಣ್ಣು ಹಣ್ಣು ಮುದುಕಿ. ಇವಳಿಗೆ ಕೊಟ್ಟರೆ ತನಗೇನೂ ಹೆಸರು ಬರದೆಂದರಿತ ಶ್ರೀಮಂತ ಅವಳನ್ನು ಹಾಗೆಯೇ ಮುಂದೆ ಸಾಗಹಾಕಿದ.
-ಮೆಹನಾzzz
