Miss you..

ತಂಪಾದ ಗಾಳಿ ಬೀಸುತ್ತಿರುವಾಗ
ಯಾಕೋ ನನ್ನೇ ನಾ ಮರೆತುಹೋದೆ.
ಕೆನ್ನೆ ಕೆಂಪಾಯಿತು,
ಹೊಟ್ಟೆಯಲ್ಲಿ ಅದೇಕೋ ಚಿಟ್ಟೆಗಳೋಡಾಡಿದಂತೆ,
ಕಚಗುಳಿಯ ಚಿಲಿಪಿಲಿ.
ಮಳೆ ಯಾವೊಂದು ಸುಳಿವೇ ಕೊಡದೆ
ಜೋರಾಗಿ ಸುರಿಯಲಾರಂಭಿಸಿತು.
ನೀನೇ ಎದುರು ಬಂದಂತೆ,
ನನ್ನ ಕಣ್ಣಲ್ಲಿ ಕಣ್ಣಿಟ್ಟು ನಿಂತಂತೆ..
ಮಳೆಗೆ ಇಬ್ಬರೂ ಒದ್ದೆಯಾಗುತ್ತಿರುವ ಪರಿವೆಯೇ ಇಲ್ಲದೆ
ನನ್ನ ನೀನು, ನಿನ್ನ ನಾನು ನೋಡುತ್ತಿರುವಂತೆ..
ನಾಚಿ ತಲೆತಗ್ಗಿಸಿದೆ..
ನಿನ್ನ ತೋರುಬೆರಳ ತುದಿಯಿಂದ,
ನನ್ನ ಗಲ್ಲವೆತ್ತಿದಂತಾಯಿತು..

ನಿನ್ನ ಸ್ಪರ್ಶದಲ್ಲೆಂಥದೋ ತಿಳಿಯದ ಮಾಯೆ..

ಆಗಸದಲ್ಲಿನ ಆ ಮಿಣಕು ನಕ್ಷತ್ರಗಳ ಮಧ್ಯದಲ್ಲಿ,
ನೀನೇ ಚಂದಿರನಾಗಿ ಮುಗುಳ್ನಕ್ಕಂತೆ,
ಬೆಳದಿಂಗಳಾಗಿ ನನ್ನ ಮೆಲ್ಲ ಸೋಕಿದಂತೆ,
ಮೈಯೆಲ್ಲಾ ರೋಮಾಂಚನ.
ನೀ ಬಳಿಯಿಲ್ಲದಿದ್ದರೂ,
ನಿನ್ನಿರವು ನನ್ನಾತ್ಮದ ಇಂಚಿಚಲೂ
ಜೀವಂತವಾಗಿದೆ ಗೆಳೆಯ,
ಅದೆಷ್ಟೆಂದು ಸತಾಯಿಸುವೆ ನನ್ನ?
ಕನಸಾಗಿ ಕಾಡಿಸುವ ಬದಲು
ಬಳಿಬಂದು ನಿನ್ನ ತೋಳಿನಲ್ಲಿ ಬಂಧಿಸಬಾರದೆ
ಇನ್ನಾದರೂ?

-ಮೆಹನಾzzz