ಠಣ್ಣೆಂದು ನಾಣ್ಯವೊಂದು ತಟ್ಟೆಗೆ ಬಂದು ಬೀಳಲು ಆ ಭಿಕ್ಷುಕ ಮತ್ತೊಮ್ಮೆ ಎಣಿಸಲಾರಂಭಿಸಿದ. ಒಂದು.. ಎರಡು.. ಒಂದು ರೂಪಾಯಿಯ ಒಟ್ಟು ಹತ್ತು ನಾಣ್ಯಗಳು! ಅಬ್ಬ.. ಇನ್ನೊಂದು ಐದು ರೂಪಾಯಿ ಸಿಕ್ಕರೆ ಜ್ವರದಿಂದ ಮಲಗಿರುವ ಮಗನಿಗೆ ಔಷಧಿ ತರಬಹುದು ಎನ್ನುವ ಯೋಚನೆಯೇ ಮಂದಹಾಸ ತರಿಸಿತು ಕೃಶ ಶರೀರದ ಆತನ ಕಪ್ಪು ತುಟಿಗಳಲ್ಲಿ. ಆಗಲೇ ಪಕ್ಕದಂಗಡಿಯಿಂದ ಬಂದ ಹತ್ತು ರೂಪಾಯಿಯಿಗೆ ದೊರೆಯುವ ತೊಟ್ಟೆ ಸಾರಾಯಿಯ ವಾಸನೆ ಅವನ ಮೂಗರಳಿಸಿದವು.
ಒಂದಷ್ಟು ಯೋಚಿಸಿದ ಆತ. ಹತ್ತು ರೂಪಾಯಿ ತಾನೇ, ಇನ್ನೊಂದು ಸಲ ಒಟ್ಟುಗೂಡಿಸಬಹುದೆಂದುಕೊಳ್ಳುತ್ತಾ ಪಂಚೆ ಸರಿಪಡಿಸಿಕೊಂಡು ಸೀದಾ ಸಾರಾಯಿ ಅಂಗಡಿಯತ್ತ ನಡೆದೇಬಿಟ್ಟ!
-ಮೆಹನಾzzz
No comments:
Post a Comment